كود اكادير//

عرفات أسعار مطيشة فالسوق الكبير ديال أكادير، اليوم 21 نونبر 2024، تراجع ملحوظ. حسب المعطيات، الثمن الأدنى د مطيشة وصل هاد الصباح لـ 0,65 درهم للكيلو، والثمن الأقصى فـ 2,50 درهم، بينما الثمن اللي كيتكرر غالبا فالسوق هو 1,45 درهم. أما التوناج الإجمالي ديال الطماطم فبلغ 406 طن.

هاد الانخفاض فالثمن كيبان نتيجة لوفرة الإنتاج هاد الأيام، خصوصا مع استقرار الأحوال الجوية اللي ساعدات الفلاحين على توفير كميات كبيرة من المحصول.

هاد الوضعية كتطرح مرة أخرى النقاش حول ضرورة تنظيم السوق باش يكون التوازن بين العرض والطلب، وتفادي الخسائر سواء عند الفلاحين ولا المستهلكين، و يوصل هاد المنتوج بثمن مناسب عند المواطن.