كود سبور//

تحطو قبل اليوم الجمعة، تذاكر ماتش الوداد الرياضي مع هافيا كوناكري الغيني ضمن اياب دور 32 من دوري ابطال افريقيا لكرة القدم، وزايد فيها الثمن على كيفما كان من قبل.

المسؤولين على تنظيم الماتش بين الوداد الرياضي وهافيا كوناكري، فملعب المركب الرياضي محمد الخامس بالدار البيضاء، دارو الدخلة فهاد الماتش بثمن 50 درهم الزون 6 و الزون 4، و150 درهم للزون 2، أما الزون 1 دارو لها 1000 درهم.

وكانوا الوداديين كيقطعو التذاكر مؤخرا بمبلغ 30 درهم للزون 6 والزون 4، ومبلغ 120 درهم للزون 2، و 700 درهم للزون 1، مع العلم ان تذاكر الزون 5 والزون 3 والزون 7 المخصصين لهذا الماتش مازال ما تحطوش فالمنصة الالكترونية المخصصة لبيع التذاكر.