وكالات//

تعرضات واحد البنت من العشاق لموسيقى البانك روك لواحد الإصابة خطيرة في النخاع الشوكي ديالها، وهو شي لي خلاها تعرض لشلل جزئي، بسباب الحركة ديال عضو من الفرقة الموسيقية لي حضرات للكونسير ديالها.

هاد البنت حضرات لواحد الكونسير دارتو فرقة موسيقية من أستراليا سميتها “Trophy Eyes”  وكانت في مدينة بوفالو.

وفي الوقيتة لي تحمس فيها واحد من أعضاء الفرقة مشا تلاح على الجمهور كيفما كيديرو وهادشي تسبب في الهرس ديالها من عنقها.

من بعد الفحوصات تبين أن السيدة عندها مشكل في النخاع الشوكي وفقدات التحكم في بزاف من الأعضاء من الجسد ديالها.

الفرقة الموسيقية دارت بلاغ، كتعبر فيه على الحزن ديالها، ودارت واحد الحملة باش تجمع فيها الفلوس وتعاونها باش تداوا.