الرئيسية > آراء > تحليل: واش جات الوقت يتحاكم بن بطوش فالمغرب كيفما دارت تركيا لأوجلان اللي دخل لكينيا بهوية مزورة
09/05/2021 14:00 آراء

تحليل: واش جات الوقت يتحاكم بن بطوش فالمغرب كيفما دارت تركيا لأوجلان اللي دخل لكينيا بهوية مزورة

تحليل: واش جات الوقت يتحاكم بن بطوش فالمغرب كيفما دارت تركيا لأوجلان اللي دخل لكينيا بهوية مزورة

هشام اعناجي ـ كود الرباط//

علاش مانشوفوش  بن بطوش (ابراهيم غالي) ماثلا أمام القضاء المغربي، هاد المطلب كيبقا حسب خبير استرايتجي، هضر مع “كود”، للي ممكن يمشي فيه المغرب فحالة اسبانيا باقا كادير معانا هاد المناورات.

أمام هاد الالاعيب اللي دارت الجارة الاسبانية بالسماح لـ”غالي” بولوج اراضيها بهوية مزورة، يرى خبير استراتيجي أن “المغرب خاص ارفع السقف واطالب أن اسبانيا تسلم ليه بن بطوش الجبان لي اعلن على المغرب الحرب انطلاقا من الأراضي الجزائرية”.

الدول لا تستهين مع الانفصاليين، اسبانيا سلخات الكاطالونيين فالزناقي وخا كايطالبو سلميا بالاستقلال وتركيا مثلا في 1999 شدات زعيم  جماعة PKK الكردية عبد الله أوجلان من وسط كينيا.

أوجلان شدو كوموندو تركي سري في كينيا حيث كان أوجلان لاجئا في ضيافة السفير اليوناني هناك بعد أن دخل التراب الكيني بجواز سفر يوناني واسم مزيف.

الأتراك نفذوا هاد العملية بمساعدة أمريكية وربما اسرائيلية وجابو أوجلان يتحاكم  في تركيا وقالوليه مرحبا بيك في بلادك حيث ستتابع بتهمة الخيانة العظمى ومن بعد عطاوه السجن مدى الحياة.

تركيا ماعمرها اعتارفات بال PKK  ولا بغات تحاور معاهوم لأنها  تعتبرهم  منظمة ارهابية وضغطت لكي يصفهم الغرب كدلك منظمة ارهابية.

على المغرب الآن أن يعامل اسبانيا والجزائر بالمثل واعطي اللجوء لزعماء كاطالونيا والقبايل في المنفى الي كايتسناهم الحبس في اسبانيا والجزائر. الدبلوماسية ماخداماش مع السبنيول هاد الساعة. ملي كاتجي دولة جارة وكاتحتاضن  زعيم حركة مسلحة انفصالية اتعالج عندها وادخل باسم مزور لتفادي القضاء فهذا دليل كاف على أن اسبانيا مامسوقاش لعلاقاتها مع  المغرب. يضيف نفس الخبير الذي فضل عدم اسمه.

العلاقات الدولية مبنية على الردع، ومايمكنش نردعو اسبانيا وغيرها غير بالبلاغات. الى غاية الآن اسبانيا فضلت بن بطوش والجزائر على المغرب.

المغرب تقريبا بحالو بحال تركيا، ضايرين بيه العديان، وهذا حال الدول  التي كانت امبراطوريات قلصها الاستعمار. راه واخا اسبانيا اكبر شريك تجاري للمغرب إلا أنها ترى في الجزائر حليفا لكبح المغرب. اسبانيا ماشي من مصلاحتها تشوف المغرب متفوق على الجزاير ومكرهاتش تنوض شي مناوشات خفيفة بين البلدين. لأن رؤية مغرب موحد في اطار اتحاد مغاربي ليس من مصلحتها.

الجزائر حاولت مؤخرا الزج بالمغرب في مثل هذه المناوشات في فكيك مثلا حيث تمت مصادرة أراضي فلاحين، ولكن المغرب على ما يبدو عاق بيهم وماطاحش فالفخ.

المغرب مايحتاجش حرب مع الجزائر بتاتا لأن الجزائر اصلا في حرب ضد نفسها، مظاهر الحرب بدات كاتبان عندهم بحال التضخم وقلة الكاش والصف على المواد الغذائية والسياسات التقششفية الخ. دولة بحال الجزائر  لي كايحتجو فيها رجال الوقاية المدنية بالزي الوظيفي في الشارع هي دولة  غير قادرة على الحرب.

موضوعات أخرى