هشام اعناجي – كود الرباط //
خبير استراتيجي وضح لـ”كود” كيفاش حكام الدزاير فاتو التسطية لهيه.
الخبير قال لـ”گود” :”كان كيسحاب لينا حكام الجزائر غير حمقين ولكن قرار ديال وقف التجارة مع إسبانيا كيبين انهم جهال كذلك، لأن الأحمق ممكن يكون مطلع بقوانين التي تنظم التجارة مع أكبر شريك اقتصادي له (الاتحاد الأوربي)، في حين الجاهل أسوأ من الأحمق خاصة ان كان غير واعي بجهله”.
وأوضح الخبير الاستراتيجي لـ”كود :”بلاغ الاتحاد الأوروبي كان واضح، جا باش يدير محو الأمية لحكام الدزاير، وفكرهم بأن التجارة مع أي دولة تنتمي إلى الاتحاد الأوربي تحكمها قوانين الاتحاد الأوروبي وليس قوانين محلية للدول، لأن الاتحاد الأوربي هو اتحاد جمركي قبل كل شيء، وهادشي كيخلي قرار الدزاير يبان انه قرار غبي وغير قابل للتطبيق”.
وزاد المتحدث موضحا” لأن الدزاير ميمكنش تمنع التجارة مع إسبانيا بوحدها لأن الاتفاقيات التجارية تناقش مع الاتحاد الأوروبي كمجموعة وليس كدول متفرقة”.
وهذا جاء واضحا في بلاغ ديال الاتحاد الأوروبي لي جبذ فيه مزيان وذنين لحكام الدزاير، وقاليهم بأن هادشي لي دارو مع إسبانيا يعتبر ميز ميمكنش يقبل به الاتحاد الأوروبي.
وحسب ذات المصدر فإن المغرب دبا جالس كيتفرج ولسان حاله كيقول للأوروىبين شوفو مع من عايشين فالجوار مع دول دولة يحكمها جاهلون بالقانون وبآداب حسن الجوار.
وأضاف المصدر “واصلا اش عند الدزاير ما تصدر لأوروبا، حتى هادشي ديال ارتفاع أسعار المحروقات مغاديش يستافدو منو بزاف لسببين:
أولهم أن الجزائر كاتنتج أقل من مليون برميل ف النهار، اي مبقاتش عندها مكانة في الأوبك بسبب ارتفاع الاستهلاك الداخلي وتراجع قدراتها ف التصدير.
ثانيا، هي أن العقود بين الدزاير والمستوردين الأوروبيين، عقود طويلة المدى، ولا تخضع لتركيبة الأسعار الحالية المرتفعة.
