وكالات//

كشف واحد التحقيق دارو الجورنال ديال The Observer، أن بزاف ديال الشركات لي كيصنعو الطوموبيلات وصلاتهم تحذيرات من أن الطوموبيلات الجداد لي كيصنعو ولي كيديماريو بلا ساروت، ممكن يتسرقو بسرعة وبسهولة خطيرة بزاف.

التحقيق لقا أن الطوموبيلات الجداد لي كيخدمو بلا ساروت وكيديماريو بالبوطونة يتقدرو يتسرقو ويحلوهوم ف أقل من 20 ثانية.

أما بخصوص الطريقة كيقول التحقيق أن الشفارة كيختارقو النظام الإلكتروني ديال الطوموبيل وكيبيراطيو ساروت رقمي بحال لي فيها وكيحلوها بسهولة كبيرة.

ولقا التحقيق أن أكثر الطوموبيلات لي ساهل تسرقهم هوما ديال هيونداي وكيا، ولي كيقولو أنهم عندهم نظام أمني ضعيف بزاف، ويمكن يتسرقو بسهولة كبيرة.