كود سبور//

حذرت إدارة المغرب التطواني، من تزوير تذاكر ماتش الفريق ضد الجيش الملكي اللي غايتلعب غدا الاربعاء فتيران سانية الرمل فتطوان، وأكدت أنها غاتدعي أي واحد شرا تيكي مزور أو بغا يدخل به للملعب.

ونبهت اللجنة التنظيمية للماتش اللي ثمن التذاكر ديالو 30 درهم للمدرجات المكشوفة و150 درهم للمنصة المغطاة، نبهت اللجنة جماهير المغرب التطواني، إلى أن أي عملية اقتناء لتذاكر مزورة أو استعمالها غايعرض مولاها للمتابعة والمساءلة القانونية، وأكدت أن إدارة النادي ما غاديش تتردد في سلك المساطر القانونية.

وغايبدا بيع تذاكر ماتش المغرب التطواني والجيش الملكي غدا مع 10 الصباح في عدد من نقاط البيع بمدينة تطوان، مع العلم أن الماتش اللي غايبدا مع 6 العشية، ممنوع فيه جمهور الجيش الملكي من الحضور بقرار من السلطات.