كود -كازا //

غاليري أتيليه 21 فالدارالبيضاء غاتستقبل من 27 يناير الجاري حتى لـ7 مارس 2026، معرض فني بعنوان “تحت رحمة الضو” للفنان والكاتب المعروف طاهر بن جلون لي  اول  مرة كيقدم  هاد المعرض .

طاهر بن جلون، اللي تكرّم فـ2025 فمتحف محمد السادس للفن الحديث والمعاصر فالرباط، رجع لكازا بهاد المشروع اللي كيبان فيه البلية ديالو بالضو ولوان. الزاج الملوّن، اللي هو فن مبني أساساً على الضو، سنين وهو كيقلب على كيفاش يطلق الضو  ويخليه يهضر.

فهاد المعرض، اللوحات ديال الزاج خدمة حيّة خاصها إضاءة بالقياس، وشي مرات حتى ضو السما باش تكمل الديكورا، لطاهر بن جلون هضر فكتالوج المعرض على كيفاش تزاد هاد المشروع، وقال بلي الفكرة جات من واحد الزيارة لكنيسة صغيرة ففرنسا، ومن تما بدا يخدم مع صناعين ديال الزاج فيليب بريسي، الخدمة خذات عام كامل باش تخرج عشرة شراجم.

طاهر بن جلون تزاد ففاس عام 1947، وكبر وسط عالم عامر بلوان والرموز، وهاد الشي باين فالأعمال ديالو فالمغرب: الغيام الطيور، السما، والمثلثات، عاد  مسيرتو الأدبية اللي توّجها بجائزة غونكور، معرض “تحت رحمة الضو” بقا يقول فيه الطاهر  كيفاش الضو يقدر يهضر، وكيفاش الزاج كيشعشع بلا كلام.