كود سطات ///

افادت التحاليل اللي داروها بياطرة لونسا باللي وفاة لحوالا بفيرما بدوار ولاد الحيمر، جماعة لمباركيين، إقليم برشيد سببها تغيير نظام العلف لدوك لحوالا

السيد استورد حوالا وناض ختار عدد منهم وغير ليهم العلف اللي مولفين ياخدوه. لحولا اللي تغير ليهم داك النظام باش يسمانو ماتو ولخراين (استودهم معاهم) ما ماتوش

لونسا قالت فبيانها باللي فريق تقني من المصلحة البيطرية الإقليمية ببرشيد زار الضيعة نهار 1 و2 يونيو اي هادي يومين ودار التحريات وخدا العينات بعد التشريح وتبعها تحاليل مخبرية شملات(علف، أعضاء الأغنام المشرحة) فمختبر من المختبرات الرسمية التابعة للمكتب الوطني للسلامة الصحية للمنتجات الغذائية (أونسا). النتائج عطات باللي ما كاين حتى مرض معدي وباللي وقع للخرفان اللي كان بدا يسممها مولاها “تسمم معوي نتيجة تكاثر مرتفع لبكتيريا كلوستريديوم (Clostridium perfringens) التي تعيش عادة في الأمعاء بنسب ضئيلة”

وباللي هاد الشي كيتسبب ف”حدوث موت مفاجئ وتدريجي لهذه الحيوانات في بضعة أيام”

والعهدة على “لونسا” هاد “التسممات المعوية بتغيير مفاجئ في النظام العلفي لهذه الماشية والذي يعتبر العامل الرئيسي الذي أدى إلى ظهور هذه الحالات عند صاحب الضيعة، وذلك عبر تغيير الأعلاف المحتوية على البروتينات والحبوب مما تسبب في اضطراب في توازن الجراثيم المعوية وبالتالي تكاثر سريع لبكتيريا كلوستريديوم”
وذكر البيان باللي لغنم اللي ما بدلاتش العلف “سليمة وفي حالة صحية عادية”