الرئيسية > آش واقع > تحالف بين البنك الدولي وكوفاكس لتلقيح 250 مليون شخص فالدول الفقيرة من هنا لـ 2022
27/07/2021 22:30 آش واقع

تحالف بين البنك الدولي وكوفاكس لتلقيح 250 مليون شخص فالدول الفقيرة من هنا لـ 2022

تحالف بين البنك الدولي وكوفاكس لتلقيح 250 مليون شخص فالدول الفقيرة من هنا لـ 2022

كود- وكالات//

دار كل من البنك الدولي ونظام “كوفاكس” آلية تمويل جديدة كتسمح بتلقيح 250 مليون شخص فالبلدان الفقيرة، مع منتصف عام 2022.

وحسب بيان مشترك ليهم، صدر الاثنين، فآلية التمويل الجديدة غتخلي الدول الأعضاء الـ92 فكوفاكس، بشراء جرعات إضافية تتجاوز الحصة الممولة بالكامل من قبل الدول المانحة.

وعلن ديفيد مالباس، رئيس البنك الدولي، أن “الحصول على اللقاحات هو اكبر تحدي كيواجه البلدان النامية لحماية الشعوب ديالها من وباء كوفيد-19”.

وغيمكن البلدان الفقيرة اللي عندها خطط تلقيح وافق عليها البنك الدولي، تاكد الرغبة ديالها فشراء جرعات إضافية من كوفاس، ونوع الفاكسان وبروكَرام التسليم..

وحسب البيان، ففضل ضمانة البنك الدولي، “كيمكن لكوفاكس التفاوض على كميات كبيرة من اللقاحات المضادة لكوفيد مع الشركات المصنعة بأسعار تنافسية”.

ومن المفترض تسمح هذ الآلية للدول ال92 الأكثر فقرا باش تشارك فنظام كوفاكس، بالحصول على 430 مليون جرعة إضافية أو ما يكفي لتلقيح 250 مليون شخص بين نهاية 2021 ومنتصف 2022.

وتمكن نظام كوفاكس، وهو شراكة بين منظمة الصحة العالمية وتحالف اللقاحات (كَافي) والتحالف من أجل الابتكارات، باش يستعدو لمواجهة الأوبئة، من خلال تأمين 135 مليون جرعة ف136 دولة، غير أن الدول الغنية محتكرة جرعات اللقاح المتاحة، وحيت الهند منعات صادراتها من اللقاح باش تكافح الوباء محليا.

موضوعات أخرى

18/09/2021 13:30

جهة فاس مكناس.. انتخاب نوفل شباط رئيس لجماعة “برارحة” والفايق خدا الرئاسة فـ جماعة ولاد الطيب بالأغلبية ولعفو فـ جماعة عين الشقف والبوزيدي فـ تاونات