اسماء غربي- كود//

اليمين المتطرف اللي تقدم فالجولة اللولة من الانتخابات التشريعية ففرنسا، ما اترش على توجه الفرنسيين المقيمين بالخارج، ومنهم حتى المقيمين فالمغرب.

الاغلبية عطات أصواتهما لفائدة التحاف اليساري، حزب الجبهة الشعبية الجديدة Le Nouveau Front Populaire.

وبحسب النتائج النهائية للجولة اللولة اللي نشرتها وزارة الداخلية الفرنسية نهار الإثنين، حزب الجبهة الشعبية الجديدة، وهو تحالف يساري ضد اليمين، ربح فگاع مراكز التصويت المغربية (الرباط، طنجة، أكادير، مراكش، فاس، كازا).

وربح اليسار فاغلبية مناطق الدائرة التاسعة للفرنسيين المقيمين بالخارج، والنتائج اللي جاب فالمغرب هي نيت اللي جاب فالجزائر، وتونس، وموريتانيا، وبعض دول غرب إفريقيا.

وبفارق كبير ربح اليمين المتطرف (حزب التجمع الوطني)  فالجولة اللولة من الانتخابات التشريعية ففرنسا اللي علن عليها الرئيس إيمانويل ماكرون، وغاتبدا الجولة الثانية والنهائية ف 7 يوليوز.

ارقام رسمية: