الرئيسية > آش واقع > تحالف الاحرار والاستقلال والبام دار ميسة للجهات: كل حزب خدا 4 الرئاسات وأسرع توافق كان فمراكش
16/09/2021 15:30 آش واقع

تحالف الاحرار والاستقلال والبام دار ميسة للجهات: كل حزب خدا 4 الرئاسات وأسرع توافق كان فمراكش

تحالف الاحرار والاستقلال والبام دار ميسة للجهات: كل حزب خدا 4 الرئاسات وأسرع توافق كان فمراكش

كود الرباط//

التحالف الثلاثي دار ميسة لرئاسة الجهات ال 12 لي كاينا فالمغرب. الاحرار خدا اربعة، والبام تاهو اربعة، والاستقلال تاهو 4.

وفي ما يلي الرئاسة ديال الجهات كيف تم التوزيع:

التجمع الوطني للأحرار خدا رئاسة جهات طنجة تطوان الحسيمة، ودرعة-تافيلالت، وسوس-ماسة، وكلميم-واد نون.

وبالنسبة رئاسة جهات مراكش آسفي، وبني ملال-خنيفر، والشرق، والرباط-سلا-القنيطرة، خداها حزب الأصالة والمعاصرة.
جهة مراكش اسفي كانت اسرع توافق بين الاطراف، بفضل فاطمة الزهراء المنصوري واحمد اخشيشن وسمير كودار، لي دارو مفاوضات ناجحة. واللي ادت الى التوافق على كودار رئيسا للجهة.

واتفقت الأحزاب الثلاثة على إسناد رئاسة الجهات الأربعة المتبقية، وهي جهات فاس مكناس، والدار البيضاء سطات، والعيون الساقية الحمراء، والداخلة وادي الذهب، إلى حزب الاستقلال.

هاد التوزيع ديال المناصب بين هاد الاحزاب الثلاثة كان حتى فتكوين مجالس الجماعات والمقاطعات، وممكن يكون فالحكومة.
انتخاب رؤساء الجهات بدا اليوم، وغايستمر حتى ل 25 من الشهر.. وغالبا غايسالي هادشي بكري خصوصا وان التحالف قاد كولشي وباقي غير تفاصيل صغيرة.

موضوعات أخرى

23/10/2021 08:00

“سيدي كاوكي” نواحي الصويرة.. بعض المحظوظين خداو 500 هكتار على البحر واستغلو ميزانية المبادرة الوطنية باش دوزو طريق وسط الغابة كلفات الملاين – وثيقة و تصاور