الرئيسية > آش واقع > تجهيزات سبيطار بنسليمان لمرضى كورونا تسرقات.. مندوب الصحة فالإقليم لـ”كود”: تفاجأت بهذ الخبر وخاص متابعة الفاعلين
01/08/2020 14:30 آش واقع

تجهيزات سبيطار بنسليمان لمرضى كورونا تسرقات.. مندوب الصحة فالإقليم لـ”كود”: تفاجأت بهذ الخبر وخاص متابعة الفاعلين

تجهيزات سبيطار بنسليمان لمرضى كورونا تسرقات.. مندوب الصحة فالإقليم لـ”كود”: تفاجأت بهذ الخبر وخاص متابعة الفاعلين

عفراء علوي محمدي- كود//

مجموعة من المعدات الطبية واللوجستيكية تسرقات من سبيطار بنسليمان الميداني.. هذشي اللي وضح طبيب الإنعاش بالمستشفى الجامعي الحسن الثاني ففاس، نوفل هواري، فتدوينة ديالو ف”فيسبوك”.

والأمر كيتعلق، حسب هواري، بروبينيات ورشاشات ديال الدوشات ومانطات، وتجهيزات اخرى كثيرة اللي لاحظو العاملين فالمستشفى اختفاءها فالشهورة اللولة من تجهيز السبيطار

والطبيب قال أنه اللي سرقو هذ التجهيزات هوما مرضى كورونا اللي تشافاو، وهذشي اللي توصلات ليه الجهات المسؤولة.

مصادر طبية صرحات ل”كود” أن السلطات، اللي كانت فتحات تحقيق فالموضوع، وسعات دائرة المتهمين باش تشمل حتى بعض العاملين فالمستشفى، وخصوصا الممرضين.

وفاتصال “كود” ببوشعيب عشاق، المندوب الإقليمي للصحة فبنسليمان، باش تاخد معطيات إضافية فهذ الواقعة، قال أنه ماعندوش علم، وأنه تفاجا منين سمعها، على اعتبار أن المستشفى عسكري ماتابعش لوزارة الصحة، لكنه فالمقابل عبر على رفضو لهذ التصرفات وضرورة متابعة من يقف وراءها.

موضوعات أخرى

11/08/2020 20:30

خاص. المدير العام للديوانة لـ”كود”: مخالفات الصرف تجاوزات فهاد الوقت 129.9 مليون درهم وها شنو هي السلع الأكثر حجزا وها شحال كتسوا