وكالات//

قررات واحد المدرسة ألمانية أنها تفرض غرامة تأخير قدرها 5 يورو على التلاميذ لي كيتعطلو، باش تتواجه مشكلة تأخر التلاميذ على موعد بداية اليوم الدراسي.

وفرضو الغرامة على حالات محدودة، وكيطبقوها فقط على التلاميذ لي العمر ديالهم بين 9 سنين و11 عاما.

مدير مدرسة دورير الثانوية بمدينة نورمبرج رينر جيسدورفر،  قال في تصريحات نقلاتها وكالات أنباء ألمانية، إن الإجراء كيحقق نتائج مزيانة، وهادشي بعدما دازت أشهر قليلة على التنفيذ ديالها.

كذلك، قال  مجلس الطلاب بأن عدد التلاميذ لي كيتأخرو على حضور الحصص الدراسية، نقص بدرجة كبيرة من نهار فرضو الغرامة.

وزاد كيوضح جسيدورفر، أن الإجراء الجديد مفرضوهش في الواقع كنوع من العقوبة، وزاد قال: “عندنا بزاف ديال التلاميذ لي مهما كانت الأسباب لي عندهم مكيجيوش للمدرسة في الوقت المحدد، ولكن الغرامة المالية خلاتهم يشدو الطريق معانا”.