وكالات//

تركيا دارت واحد التجربة جديدة فعمليات البحث على الناس اللي محاصرين تحت الأنقاض، وكتعتمد فيها على فيران مدرّبين كيهزّو فوق ظهرهم كاميرات وجهاز ديال تحديد المواقع، باش يعاونو فرق الإنقاذ توصل للمحاصرين.
البلاد دازت من تجربة قاصحة ملي تحاصرو عشرات الآلاف ديال الناس تحت البنايات اللي طاحت فزلزال 6 فبراير 2023، اللي ضرب عشرة ديال الولايات، وبقاو شي ناجين محاصرين أكثر من سيمانة بلا ما يعرف بهم حتى واحد.
هاد المشروع الجديد الهدف ديالو هو يتغلب على هاد المشكل فبلاد اللي واقعة فوق صدوع أرضية وكيتعرّض فيها للزلازل والهزّات باستمرار، وهاد الشي عبر الاستفادة من الخصائص ديال واحد النوع ديال الفئران مستورد من إفريقيا.
والمشرفين على المشروع سمّاو هاد المبادرة بـ“الفئران البطلة”، وكتدوز هاد الفئران تدريب مكثّف باش تميّز ريحة الإنسان، وزيد عليها التدريب باش تهز شنطة صغيرة فيها كاميرا، ونظام تحديد المواقع، ونظام ديال التواصل فالاتجاهين.