الرئيسية > كود سبور > تبريرات غبية للعرايشي على حرمان لمغاربة من الكان. قبلو دار بوطبسيل أزمة باش علن على الثمن واكتاشفو الدزايريين باللي شراو الحقوق غالية بزاف بزاف
26/06/2019 12:00 كود سبور

تبريرات غبية للعرايشي على حرمان لمغاربة من الكان. قبلو دار بوطبسيل أزمة باش علن على الثمن واكتاشفو الدزايريين باللي شراو الحقوق غالية بزاف بزاف

تبريرات غبية للعرايشي على حرمان لمغاربة من الكان. قبلو دار بوطبسيل أزمة باش علن على الثمن واكتاشفو الدزايريين باللي شراو الحقوق غالية بزاف بزاف

كود القاهرة ///

تبريرات غبية قدمها فيصل لعرايشي الرئيس المدير العام للشركة الوطنية للإذاعة والتلفزيون ديالنا بخصوص عدم اقتناء حقوق بث مباريات الاسود فالكأس الافريقية اللي كاينة دابا فمصر.

لعرايشي قال فالبرلمان أمام أعضاء لجنة التعليم والثقافة والاتصال بمجلس النواب البارح الثلاث ان كاين عقد البرنامج الأول والثاني بين الشركة الوطنية للإذاعة والتلفزة والحكومة، تقوم هذه الأخيرة بمنح ميزانيات نقل التظاهرات العالمية الكبرى للقطب الإعلامي العمومي، بعد مناقشة هذه التظاهرات حالة بحالة، باعتبارها أحداثا استثنائية تمول تكاليفها عبر اعتمادات مالية ظرفية تخصصها الحكومة لهذا الغرض، ولا تدخل ضمن ميزانية التسيير السنوية للشركة التي يقرها مجلسها الإداري”.

وعلاش ما شراتش الشركة الحقوق؟ قال لعرايشي باللي “الشركة الوطنية للإذاعة والتلفزة لم تتوصل بالميزانية الظرفية التي تمكنها من شراء حقوق بث مباريات كأس إفريقيا 2019، كما أنه لم يكن ممكنا للمجلس الإداري للشركة إدراجها ضمن الميزانية السنوية الخاصة بها، لسببين موضوعيين مرتبطين، وهما عدم التأكد سلفا من تأهل المنتخب الوطني المغربي للبطولة، وعدم الاطلاع مسبقا على الثمن المطلوب لشراء حقوق البث”.

يعني التخربيق وصافي. تزاحمو فالوقت وهو كيعرف باللي اللي كيدير مفاوضات فاخر لحظة كيشري الغالي. لعرايشي قال باللي دار عرض ل”بيين سبورت” فيه مليار سنتيم غير لماتشات المنتخب. جاي معطل وكتشرط واش حشمتي ولا اللا.

هنا غادي يكشف معطى سبق كشف عليه حسن بوطبسيل مدير الرياضية ودار أزمة ب”بيين سبورت” وهو انهم طلبو 12 مليار من عندنا في حين ان نفس الشركة باعتها للتلفزيون الجزائري ب17 مليار وباش شافوها خوتنا مشاو حيحو مزيان على القطريين.

دابا كيفاش الجزاير خداتها أغلى وأنت يا لعرايشي كتخربق وندخل وتخرج فالهدرة. اه حگى ما خديناش لفلوس اه حگى ما كناش عارفين المنتخب غادي يتأهل اه حگى طلبو لغلا اه حگى فأفريقيا كياخدوها أرخص ب48 مرة. قول ما فيدكش وصافي.

موضوعات أخرى

23/07/2019 12:30

الجلسة الـ7 من محاكمة حامي الدين مستمرة من الصباح ودفاعه بدا يعقب على دفاع آيت الجيد حول عدم إمكانية متابعة عبد العالي