وكالات//

شهدات تايوان، نهار التلات، تكريم أول كلب علاجي ف البلاد، حيث عطاوه ميدالية خاصّة ودارو ليه حفلة تقاعد فـ السبيطار العام ديال المحاربين القدامى ف تايبيه، من بعد ما سالا ستة سنين ديال الخدمة فـ طمأنة المرضى اللي ما عندهمش أمل فالشفا، وعائلاتهم.

وحسب وكالة الأنباء التايوانية (CNA)، نهار الأربعاء، جاو كثر من 40 مريض قديم وعائلاتهم، وزيد عليهم كثر من 50 موظف من السبيطار، باش يحيّيو الكلب “أوبا” اللي عندو دابا 10 سنين، واللي بدا الخدمة ديالو فوحدة الرعاية التلطيفية فـ 2019، وتمنّاو ليه تقاعد زوين.

السبيطار خلا “أوبا”، اللي هو من نوع لابرادور كحل، يحتافظ ببطاقة الهوية ديالو الخاصة بالسبيطار، وعطاوه ميدالية ولقب “متطوّع مدى الحياة”، ومن بعد سلّم المهام ديالو لكلبة سميتها “أولجا” عندها 3 سنين.

فـ الحفلة، مدير السبيطار “تشن وي-مينج” قال باللي “أوبا” كان كلب زوين وكايحس بالناس اللي محتاجين الراحة والطمانينة، وبفضل الهدوء ديالو، كان كيقدر يدخل لأي بلاصة فالسبيطار، إلا قاعات العمليات.