وكالات//

قررات واحد المزرعة ديال تربية التماسيح في تايلاند أنها تعدم 125 تمساح، بسبب الفيضانات لي ضربات لبلاد.

وعلى حساب ماقالت السلطات في البلاد فهاد القرار جا بسبب الخوف من الهرب ديالهم ودخولها للمدن، بسباب هاد الفيضانات.

في تصريح لوكالة “فرانس بريس”، قال المشرف على هاد المزرعة أن الما طلع بزاف على الصور ديالها، وبالتالي كان ممكن انهم يهربو بسهولة.

وأكد أنهم قتلوهوم بالضو، وجابو الطراكسات لي هزو الجثث ديالهم باش يمشيو يدفنوهوم فبلايص بعاد.

وأكد كذلك، أنه كون هربو كون عرضو الناس والمواشي والبقر للخطر في المدن لي ممكن يدخلو ليها.