وكالات//

عارضة الأزياء ومقدمة البرامج تايرا بانكس ولات مرة أخرى فوسط الانتقادات بسبب البرنامج ديالها المعروف ’’أمريكا نيكست توب موديل‘‘.

هاد الجدل رجع من جديد من بعد صدور برنامج وثائقي فالقناة “إي!” بعنوان “ديرتي روتن سكاندلز”، اللي تطرق لممارسات مثيرة للجدل كانت كتوقع داخل البرنامج.

ومن بين الاتهامات اللي تذكرت: التنمر على المتسابقات بسبب الوزن، التمييز العنصري، وحتى الضغط النفسي اللي تعرضات ليه بعض المشاركات.

وخرجات حتى شهادات من متسابقات سابقات، إضافة لعضوة لجنة التحكيم السابقة جانيس ديكنسون، اللي كشفو تفاصيل صادمة على كواليس البرنامج.