وكالات//

نتاقد الرئيس الفرانساوي إيمانويل ماكرون الملياردير الأمريكي إيلون ماسك، لي ولا واحد من أكثر الشخصيات تأثيرًا في مجال التكنولوجيا، وتاهمو بأنه كيدعم ما وصفو بـ”الرجعية”.

وجات هاد التصريحات في وقت ولا فيه ماسك مؤثر بزاف في المجالين السياسي والاجتماعي في بلادو وفي العالم كامل.

على حساب ما جا في تقرير لجورنال “لو فيغارو” الفرنساوي، ماخباش إيلون ماسك، المعروف بمشاريعه المستقبلية مع “سبايس إكس” و”تسلا” و”ستارلينك”، الطموح ديالو باش يغير العالم، وبطريقة مبتكرة.

ودخل ماسك لعالم السياسة من خلال الدعم ديالو الكبيرة لترامب، ومكيخبيش المعارضة ديالو لكاع الخطط للرقابة والتضييق على حرية مواقع التواصل الاجتماعية.

ولكن ماكرون قال إن ماسك كينفذ “خطة رجعية” كتتماشى مع الأفكار لي كيروج ليها اليمين المتطرف في أوروبا.

على حساب ما جا في تقرير الجورنال الفرانساوي فالرجعية لي كيقصدها ماكرون هي أفكار ماسك السياسية لي كتعادي اليسار والعدالة الاجتماعية، وحتى الهجرة غير النظامية.