الرئيسية > تبركيك > تاهموه بللي عادا ميسي بفيروس كورونا.. تهديد ديدجي بالقتل! – تغريدات و تصاور
05/01/2022 04:00 تبركيك

تاهموه بللي عادا ميسي بفيروس كورونا.. تهديد ديدجي بالقتل! – تغريدات و تصاور

تاهموه بللي عادا ميسي بفيروس كورونا.. تهديد ديدجي بالقتل! – تغريدات و تصاور

وكالات //

نايضة ضد الديدجي الأرجنتيني “فير بالاسيو” (Fer Palacio) ووصلوه تهديدات بالقتل بعدما تاهموه “المعجبين” ديال الكوايري ليونيل ميسي بللي هو اللي عادا “معشوقهم” بفيروس كورونا.

الديدجي دار بوسط في “تويتر” قال أن عشاق ميسي وصفوه بالقتال وسبوه وماخلاو فيه غير اللي نساو مع العلم أنه ماعندو علاقة بإصابة النجم الحالي لباريس سان جيرمان بكورونا.

وحط السيد نتائج ديال التيست “PCR” ديالو، اللي جا نيكَاتيف وبللي هو ما تقاسش أصلا بالفيروس، وأن تصويرتو مع ميسي ماعندها علاقة بإصابة هذا الأخير.

وكان فريق باريس سان جيرمان علن أن ميسي و4 دالكوايرية آخرين فيهم كورونا وغادين يخضعو للحجر الصحي حتى يتشافاو.

موضوعات أخرى