وكالات//

رفع مغني الراب الميريكاني المشهور ففتي سنت، ولي الاسم ديالو الحقيقي هو كورتيس جاكسون، دعوى تشهير ضد صاحبتو السابقة دافني جوي، لي تاهماتو في مارس للي فات أنه اغتاصبها وهانها في العلاقة ديالهم.

على حساب ماقالت “ياهو نيوز” ففتي سنت أكد في الدعوى ديالو أن جوي “قدمات ادعاءات كاذبة وبغات تشهر بيه، واخا عطاها فرصة باش تتراجع على اتهاماتها الانتقامية الخبيثة ديالها.

وقال كذلك أنها ختارت بطريقة خايبة تتدخل في علاقة ولدها لي عندو 11 عام مع باباه لي كيبغيه بزاف، وتاهماتو بأنه مغتصب.

المحامي ديال الرابور الميريكاني المشهور تاهمها كذلك، أن هاد الهجمة لي دارت ليه جات من الرابور لاخور شون كومز لي معروف أنه مكيتحاملش مع ففتي سنت.