الرئيسية > كود سبور > تاعرابت تزاد على سايس. تضرب وموحال يكون مع المنتخب.. جونال بورتغالي: خاصاه سيمانة ديال الراحة
07/10/2019 15:00 كود سبور

تاعرابت تزاد على سايس. تضرب وموحال يكون مع المنتخب.. جونال بورتغالي: خاصاه سيمانة ديال الراحة

تاعرابت تزاد على سايس. تضرب وموحال يكون مع المنتخب.. جونال بورتغالي: خاصاه سيمانة ديال الراحة

مصطفى الشاذلي – كود سبور//

عادل تاعرابت لاعب المنتخب المغربي وبنفيكا البرتغالي موحال يكون فماتش ديال ليبيا نهار الجمعة جاية فملعب الشرفي فوجدة والگابون في 15 أكتوبر الجاري، استعدادا للاستحقاقات القادمة.

تاعرابت تزاد على سايس، لي تضرب حتا هو فماتش ديال فرقتو وولفرهامبتون ومانشستر سيتي في الدوري الإنگليزي لكرة القدم، يقدر يغيب على الماتشات بجوج.

جريدة “أبولا” البرتغالية كتبت بلي تاعرابت تضرب فالميسكل ديال فخذو، وخاصو يخضع لفحوصات طبيعة معمقة باش يعرف الضربة ودرجة خطورتها.

هاد الصحفية كتوقع غياب تاعرابت عن التيران لأسبوع على الأقل، وهو ما يعني أنه ما غاديش يكون ضد ليبيا والگابون.

الطاقم الطبي للمنتخب المغربي مازال ماتوصلش بشي تقرير من بتفيكا عن إصابته، وغادي يستنا اليوم الاثنين أو غدا الثلاثاء باش يعرف شنو عندو بالضبط.

عادل تاعرابت رجع للمنتخب المغربي فالماتشات ديال بوركينافاسو والنيجر فمراكش.

فشتنبر الماضي، بعدما غاب خمس سنين عن المنتخب المغربي.

عادل تاعرابت رجع بقوة للملاعب فالسنتين الأخيرتين، بعدما كان قريب يقضي على مساره الكروي بسبب عدم انضباطه وسلوكاته الطائشة.

 

موضوعات أخرى