“كود” ـ تارودانت//

عرفات مدينة تارودانت اللي معروفة بالهدوء البارح السبت 6 دجنبر، واحد الكسيدة خطيرة، بعدما كار كا يخدم فخط تارودانت/أرزان دهس شاب فالعمر ديالو حوالي 16 عام طيحو بطانة فبلاصتو حدا رونبوان المعديّات اللي كاينة وسط المدينة.

المعطيات الأولية، كا تقول إن الضحية كان غادي على بيكالة كيقطع الطريق فداك المكان، قبل ما يفاجئو الكار اللي كان غادي بسرعة قدام عيون المواطنين، بحيث مات فالحين.

ومباشرة من بعد الحادث، حضرات السلطات المحلية والبومبية والبوليس، وتم فتح تحقيق من طرف مصلحة حوادث السير اللي حرّرات محضر. ومن بعد استكمال الإجراءات المعمول بها، تم نقل جثمان الضحية لمستودع الأموات فالمستشفى الإقليمي المختار السوسي.