الرئيسية > آش واقع > تاجيل محاكمة الراضي بسبب وضعو الصحي.. ومحاميه لـ”كود”: ماخلاناش نتقدمو تاني بطلب السراح حيت ديما كيترفض
18/05/2021 12:10 آش واقع

تاجيل محاكمة الراضي بسبب وضعو الصحي.. ومحاميه لـ”كود”: ماخلاناش نتقدمو تاني بطلب السراح حيت ديما كيترفض

تاجيل محاكمة الراضي بسبب وضعو الصحي.. ومحاميه لـ”كود”: ماخلاناش نتقدمو تاني بطلب السراح حيت ديما كيترفض

كود كازا//

أجلات غرفة الجنايات الابتدائية بمحكمة الاستئناف فكازا، اليوم الثلاثاء، محاكمة الصحفي المعتقل، عمر الراضي، حتى لفاتح يونيو الجاي.

والمحاكمة تأجلات اليوم، بسبب الوضع الصحي للراضي، اللي خلاه ماقادرش يتكلم أو يجاوب على أسئلة القاضي.

وقال ميلود قنديل، دفاع الراضي،  فتصريحو ل”كود”، أن الراضي مابقاش قادر يتكلم او يستمع للمحكمة بسبب حالتو الصحية، بعد الإضراب عن الطعام خاضو لازيد من 20 يوم، ومرض الامعاء اللي كيعاني منه.

وزاد أن هيئة الدفاع كانت باغات تتقدم، مرة خرى، بطلب السراح المؤقت للراضي، لكن الراضي رفض هذشي، حيت طلب السراح تقدم به الدفاع مرات كثيرة والمحكمة ماتجاوباتش معاه.

ومتابع عمر الراضي بتهم “تلقي اموال من جهات أجنبية بغاية المساس بسلامة الدولة الداخلية”، بالإضافة لتهمة “هتك العرض”، بينما المتضامنين معه كيعتبرو هذ التهم مفبركة، وكيطالبو ببراءتو.

موضوعات أخرى

20/06/2021 09:21

الازمة مع الصيليون. غالبية لملايرية قاطعو السياحة فكوسطا ديل صول واخا عندهم ڤيلات وديور وشي وحدين مشاو دارو لقوالب باش يمشيو وها كيفاش