احمد الطيب – كود كازا////

أفاد مصدر مطلع أن السلطات المغربية طلبت من طاقمي وكالة الأنباء الإسبانية EFE والتلفزيون العمومي الإسباني RTVE مغادرة مدينة الفنيدق، اليوم السبت، وذلك في سياق التطورات المرتبطة بتغطية أوضاع الحدود والهجرة.

وأوضح المصدر أن القرار جاء بعد أيام من تسجيل إجراءات مماثلة استهدفت طواقم وصحافيين مغاربة داخل سبتة المحتلة، من بينهم طاقم القناة ديال دوزيم، الذي تعرض للتضييق ومنع من التصوير، قبل أن يتم إطلاق سراح أفراده بعد ساعات.

وكانت الطواقم الإعلامية الإسبانية موجودة في الفنيدق لمتابعة التطورات المرتبطة بالحدود والهجرة، قبل أن تتلقى طلبا بمغادرة المدينة.

هاد التطور جا فسياق توتر إعلامي متزايد على جانبي الحدود، تزامنا مع الأحداث المرتبطة بسبتة والفنيدق وملف الهجرة.

وكانت كود عاينت تواجد قناة tve الاسبانية تقريبا هادي يومين فالفنيدق، وسبق منعها تصور فالمعبر من الجهة المغربية، مثلها مثل باقي وسائل الاعلام الوطنية والاجنبية.
واش هاد المنع عندو علاقة بتصرفات السلطات الاسبانية مع الاعلام المغربي ف سبنة، كولشي ممكن، خصوصا مور داكشي لي وقع دوزيم. طبعا هادشي تأكد اليوم.

كما تم منع ولوج الصحفيين الى نقطة المعبر الحدودية، واللي كتعتبرها السلطات حالية منطقة عازلة، حتى طاكسيات تمنعو ينقلو ليها مسافرين.
ايلى كانت “ايفي” فالمغرب عندها قدر من الحياد ودارت خدمتها بمهنية فراه القناة العمومية “TVE كانت قمة فالحقارة فتصوير المغرب. اخبار وضيوف هاد القناة كتهاجم حتى المسؤولين الحكوميين الاسبان باش يقولو راه المغرب شريك موثوق وصادق ووفي. فين ما كان شي حد كيجيبوه للبلاطو يسب. اغبياء ما عندهم الا العقد التاريخية مع المغرب رجعوهم خبراء. تصورو هادي القناة العمومية، وتصورو القنوات الاخرى كيف كدير.