سامي العلوي – كود الجديدة //

هيئة الجنحي التلبسي فالمحكمة الابتدائية ديال مدينة الجديدة قرّرات، اليوم الثلاتاء، تأجيل ملف الستريمر إلياس المالكي حتى نهار الثلاتاء الجاي 23 دجنبر.

هاد التأجيل جا من بعد ما قرّرات المحكمة تضمّ ملف جديد للملف القديم، واللي كيتعلق بشكاية نقابة ماليين الطاكسيات، وزادت معاه حتى شكاية ديال نادي الرجاء الرياضي البيضاوي.

وخلال جلسة اليوم، دفاع إلياس المالكي تقدّم بملتمس كيطلب فيه مهلة باش يطّلع على الملف الجديد اللي تضمّ لملف القضية، وهو الطلب اللي قبلاتو المحكمة وقرّرات تأجيل الجلسة.

ومن المنتظر أن تعرف الجلسة الجاية تطورات جديدة فهاد الملف، من بعد ما تجمعو الشكايات كاملين فملف واحد