عمـر المزيـن – مكتب الرباط//

الفعاليات المدنية اللي هما فالحقيقة ناس البي جي دي فسلا راضية على المديرية العامة للأمن الوطني فالمجال ديال محاربة التشرميل. هاد الفعاليات اللي دارت لقاء دراسي فموضوع “الأمن بسلا.. المشاكل والإكراهات والحلول”. أكدت الوقوف ديالها على المجهودات اللي كتبدل من طرف الجهات المسؤولة والتفكيك ديال لعدد من أسباب ظاهرة الجريمة.

ونوهت هاد الفعايات بالحيوية اللي ابانت عليها المصالح الاقليمية ديال البوليس فسلا والدينامية اللي طلقاتها مديرية الأمن فمحاربة الظاهرة الاجرامية بسلا، مع الإشارة على أنه مزال كاين استمرار ديال الشعور بالقلق ازاء سلوكات وممارسات وأفعال ديال الجريمة كتشوش على الطمأنينة والاحساس بالأمن لدى فئات مختلفة وخاصة النساء.