الرئيسية > تبركيك > بيونسي وريهانا أكثر المغنيات تأثيرا فعالم الموضة.. كيتابعوهوم بجوج تقريبا نص مليار واحد
07/12/2023 05:00 تبركيك

بيونسي وريهانا أكثر المغنيات تأثيرا فعالم الموضة.. كيتابعوهوم بجوج تقريبا نص مليار واحد

بيونسي وريهانا أكثر المغنيات تأثيرا فعالم الموضة.. كيتابعوهوم بجوج تقريبا نص مليار واحد

وكالات //

كشفات تقارير ميريكانية  أن المغنيات المشهورات ريهانا وبيونسي، هما أكثر المغنيات المؤثرات فعالم الموضة واللباس ديال البنات في العالم فهاد العام لي قربنا نودعوه.

على حساب المصادر نفسها، فهادشي كيعكسو عدد المتابعين ديالهم الكبير على إنستغرام، حيت وصلو عند بيونسي 318 مليون متابع، وعند ريهانا 152 مليون فولور.

كيقول التقرير أن بيونسي وصلات لهادشي لي وصلات ليه بفضل الجولة ديالها الماراطونية لي دارتها ف العالم كامل ولي كان العنوان ديالها هو Renaissance World Tour.

بانت بيونسي فهاد الجولة ببزاف ديال الأزياء الواعرة لي داروها ليها دور ملابس مشهورة بحال Balmain، وMugler، و Jean Paul وGaultier.

من جيتها كتخطف ريهانا الأضواء فكاع الحفلات والتظاهرات لي كتحضر ليهم، وكتوصفها الصحافة ديال ميريكان بأنها “سيدة البساط الأحمر”.

ريهانا بانت فبزاف ديال المناسبات ولبسات لماركات عالمية بحالJean Paul Gaultier، وPrada، وAcne Studio، وSchiaparelli .

موضوعات أخرى

05/03/2024 09:00

خلود المختاري زوجة الصحافي المعتقل سليمان الريسوني لـ”كود”: كاينا مناشدات لوقف اضرابو عن الطعام وراه كينقص كيلوغرام فاليوم ووضعيتو صعيبة بزاف

05/03/2024 07:00

ولد الرشيد: استثمرنا 80 مليون درهم فقطاع الصحة بأقاليم الجهة الأربعة وكسابة الجهة رفعنا من الدعم الموجه ليهم

05/03/2024 06:00

للمرة الثانية.. لجنة اليوروفيجن كترفض الأغنية لي كتقتارحها إسرائيل فالمسابقة العالمية

05/03/2024 05:00

دارت معاها جيست زوين.. المغنية الميريكانية تايلور سويفت حققات حلم مريضة بالكونصير فعمرها 9 سنين