وكالات//

قال الموقع ديال “بيبول” الميريكاني، المتخصص في أخبار المشاهير إن الممثل بين افليك، وللا سعيد بزاف، في الوقت لي كيستعد فيه للطلاق من مراتو جينيفر لوبيز.

وقال الموقع إن بين افليك بدا كيهز الرحيل ديالو بهدوء من الدار لي كان ساكن فيها مع لوبيز لدارو الجديدة لي شراها.

وأكد أن المزاج ديال الممثل ولا مزيان بزاف، حينت غادي يمشي لحي كيحبو بزاف، وقريب من الأولاد ديالو.

هادشي كيجي في الوقت لي بدات جينيفر لوبيز كتكلاشي فيه بين افليك، ودارت بزاف ديال البوسطات على الكونط ديالها لي كتأكد فيهم أنها قوية ومتأثراتش بالفراق ديالها منو.