كود – كازا ///

أبدعت رابطة مشجعي النادي الملكي الإسباني بالمغرب فصورة من صور الدبلوماسية الموازية من خلال دخول أفرادها الماتش اللخر ديال الريال في قلب سانتياغو برنابيو وهما لابسين تجاكيطات فيها الخريطة الكاملة ديال المملكة المغربية.

رابطة المشجعين (بينيا كازا مدريديستا) نوضات نقاش كبير على موقع إكس بين المتابعين الصبليون، واللي البعض منهم رفض المبادرة ديالهم حيت الخريطة كتضم سبتة ومليلية والبعض الاخر من اللي باقي كيحنو للماضي الاستعماري ديال بلادهم للصحرا مشاو بعيد وجبدو القضية ديالها..

رابطة المشجعين (بينيا كازا مدريديستا) هي مؤسسة غير ربحية، معترف بها رسميا من قبل مؤسسة ريال مدريد والسلطات المغربية، تهدف إلى جمع مشعي ريال مدريد في المغرب. تتجسد مهمتها الأساسية في تعزيز صورة ريال مدريد وقيمه عبر الفعاليات الاجتماعية والتضامنية.