وكالات//

عطا الملياردير الأمريكي بيل غيتس، مؤسّس مايكروسوفت، حوالي 8 مليار دولار لطليقتو ميليندا غيتس، من بعد خمس سنين على الانفصال ديالهم، فخطوة اللي وصفوها مراقبين بأنها جزء من اتفاق مالي كبير دار من بعد الطلاق ديالهم فـ2021.

وكشفات جريدة «نيويورك تايمز» أن غيتس تبرّع بمبلغ 7.88 مليار دولار لمؤسسة ميليندا الخيرية فـ2024، من بعد ما قدّمات الاستقالة ديالها من مؤسسة بيل وميليندا غيتس اللي كانو كيسيروها بجوج.

وكانت ميليندا قد اقترحات على الزوج السابق ديالها يتبرّع بمبلغ 12.5 مليار دولار للمؤسسة الجديدة ديالها، اللي كتركّز على دعم التقدّم الاجتماعي ديال النساء. وهاد الشي تأكّد من طرف ممثل عن جماعة «بيفوتال» المدافعة على حقوق المرأة، مع التوضيح أن التبرّع اللي قريب لـ8 مليار دولار غير جزء من هاد الاتفاقية.

وكتبيّن الوثائق أن هاد التبرّع تسجّل فالتصريح الضريبي ديال غيتس لعام 2025، بينما مازال المصير ديال باقي المبلغ اللي هو 12.5 مليار دولار ما واضحش.

وخاص الإشارة أن ميليندا وبيل غيتس تزوّجو فـ1994 وخلفو ثلاثة ديال الأولاد، قبل ما ينفاصلو فـ2021.