كود عن الوكالات ///

المغنية الاميريكية بيلي ايليش منوضاها مع لملايرية. فحفل عاوها جائزة “المبتكر الموسيقي” اللي كتعطيها “وول ستريت جورنال”، قالت الفنانة اللي عندها 9 جوائز “گرامي” للملايرية “ايلى كنتي ملياردير علاش تخلي عندك لفلوس. تبرع راه العالم محتاجهم”.

ها الفنانة كانت تبرعات ب11.5 مليون دولار من رباح جولاتها وتعطات لجمعيات كتخدم فالمناخ واطعام الفقراء

فهاد الحفل هاجمات بزاف ايلون ماسك لانو ولى اول تريليونير فالعالم هاد الشي دارتو فحسابها على انستغرام ووصفاتو بعبارات “جبان وحقير ومثير للشفقة” بسباب طريقتو لتدبير فلوسو.
بالنسبة ليها ايلى عندك لفلوس خاصك تخدم المجتمع