كود سبور//

من المتوقع يكون الدولي المغربي سفيان امرابط مع المنتخب الوطني المغربي فالماتشات الوديين الجايين بجوج ضد كل من الإكوادور والباراگواي مع نهاية شهر مارس، بعدما برا من الاصابة والعملية اللي كان دار ورا كاس افريقيا.

وكشف الشيلي مانويل بيليگيريني مدرب ريال بيتيس الاسباني فتصريح له قبل ماتش الفريق ضد باناثينايكوس اليوناني ضمن منافسات اليوروبا ليگ، ان سفيان امرابط برا ورجع كايتدرب ومن المتوقع يعيط له السيمانا الجايا باش يكون فماتشات الفريق”.

مدرب ريال بيتيس، لمح إلى ان سفيان امرابط خاصو يرجع يلعب بشكل تدريجي، وقال ان اللاعب موحال واش واجد باش يلعب 90 دقيقة كلها”.

وكاتجي هذه الخبار على سفيان امرابط، قبل 2 سيمانات تقريبا من ماتشات المنتخب الوطني المغربي الوديين ضد كل من الإكوادور والباراگواي، وهما اول محطة للمنتخب المغربي مع المدرب الجديد محمد وهبي.