وكالات//

قالت بزاف ديال التقارير الصحفية الميريكانية أن نجم كرة القدم العالمية ديفيد بيكهام، ومراتو مصممة الأزياء المشهورة فيكتوريا شراو قصر جديد في ميريكان.

على حساب ماقالت نفس المصدر فهاد الكوبل المشهور بزاف في العالم شراو القصر الجديد ديالم في ميامي، بـ80 مليار سنتيم مغربية تقريبا.

وهذا هو ثالث دار فخم كيملكو هاد الكوبل المشهور لي مقسم الحياة ديالو بين ميريكان والنكليز، حينت عندهم فيلا أخرى في النكليز بأكثر من 37 مليار، ووواحد آخر فميريكان بأكثر من 12 مليار، وشقة فاخرة في ميريكان بأكثر من 17 مليار.

وكتقول هاد التقارير ان القصر الجديد ديال بيكهام فيه 1300 متر مربع، وفيه 9 ديال البيوتة ديال النعاس و13 حمام، وسبا، وبيسين، وتيران، وسينما كبيرة.