كود سبور//

بداو بيراميدز المصري، كايديرو الضغط اللي معروفين به الأندية المصرية، وكايتشكاو قبل مواجهة فريق الجيش الملكي فروتور ربع نهائى دوري أبطال إفريقيا.

وكيدعيو بيراميدز المصري أن التيرانات اللي اتافقو معها ملي وصلو للمغرب يديرو فيها تداريب الفريق قبل مواجهة ليفار، اعتذرت لهم على استقبالهم استعدادا للماتش اللي غايتلعب غدا الثلاثاء فتيران مكناس.

وكايحاولو بيراميدز المصري الضغط على الكاف وعلى الجيش الملكي باش يخرجو الفريق من التركيز على الماتش، ديال غدا الثلاثاء، واللي مطالب فيه الفريق العسكري بالرباح 4 لزيرو على الأقل باش يتأهل للدومي فينال، بعدما خسر الذهاب فمصر بنتيجة 4 لواحد.