05/12/2023 05:00
خبار خايبة للناس لي خدماين بيهم.. كَوكَل غادي تمسح ليكونط ديال جيمايل لي مكيتحركوش
كود سبور//
اكد الناخب الوطني رينالد بيدروس أن المنتخب الزامبي كان احسن من المنتخب الوطني المغربي النسوي فالماتش الودي اللي خسروه اللبؤات فتيران البيرجيكو، وان بزاف ديال الحوايج غابو على اللبؤات فهاد المباراة.
وتحث رينالد بيدروس فتصريح بعد خسارة المنتخب المغربي للسيدات مع الزامبيات بنتيجة 2 لزيرو، وقال: “غابو علينا بزاف ديال الحوايج فهاد الماتش وخصوصا فالهجوم والدفاع، والمنتخب الزامبي كان احسن منا، خاصنا نخدمو كثر ودابا غنوجدو الماتش الثاني ضدهم باش تدخلو نربحوهم”.
وبخصوص النيفو ديال المنتخب المغربي للسيدات قبل الاقصائيات المؤهلة لأولمبياد باريس الشهر المقبل، قال الناخب الوطني: “فأكتوبر الجاي غنكونو احسن، غنبدلو بزاف ديال الحوايج ونطورو مستوى الفريق، والمهم دابا هو نديرو رد فعل فالماتش الثاني ضد زامبيا اللي عندهم لاعبات مزيانين”.
