وكالات//

وقعت واحد الحالة طريفة ومشي عادية فجزيرة Staten Island فمدينة نيويورك ، ملي ديك رومي بري “بيبي” وقف حركة السير مؤقتًا، من بعد ما داز فممر الراجلين قدّام طوبيس ديال هيئة النقل، على حساب موقع SILive.

الواقعة كانت قريب من تقاطع شارع Victory Boulevard وشارع Forest Avenue، فين حبسات الطوبيس كامل، وبقى الديك الرومي واقف فوق خطوط ممر الراجلين كيتفرّج فواحد الستيكير فواجهة الطوبيس، ومن بعد خدا وقتو وهو كيعبر الطريق بلا تسرّع، وهاد الشي سبّب تباطؤ مؤقت فحركة المرور.

هاد المنظر مألوف شوية لسكّان الجزيرة، حيث الديوك الرومية البرّية معروفين أنهم جزء من البيئة المحلية من أواخر التسعينات.