الرئيسية > كود سبور > “بيبو” دارها بالزمالك المصري ودارهم طريق باش يبقى فالوداد
13/08/2022 18:00 كود سبور

“بيبو” دارها بالزمالك المصري ودارهم طريق باش يبقى فالوداد

“بيبو” دارها بالزمالك المصري ودارهم طريق باش يبقى فالوداد

كود سبور//

الزمالك المصري دارت بيه مؤخرا وباع لنفسو الوهم فالصفقة ديال يحيى جبران لاعب الوداد الرياضي، واستقضو المسؤولين ديالو على صدمة تجديد الدولي المغربي مع الفريق الأحمر.

الإعلام  المصري تفاعل مع الاستمرار ديال الوداد رفقة الوداد الرياضي، تفاصيل الفشل ديال انتقال “بيبو” كيفما كتلقوب الجماهير الودادية إلى الزمالك المصري فالانتقالا ديال هذا الصيف.

وكشفت جريدة “صدى البلد” المصرية، أن يحيى جبران تلقى عرض مغري بزاف من الزمالك باش ينضم ليه انضمام فالميركاتو، لكن الرغبة الأولى ديال كابيتان الوداد كانت من البداية هي تجديد العقد ديالو مع بطل المغرب وإفريقيا.

يحيى جبران وحسب المصدر نفسو وبالرغم على أنه ماكانش باغي يفارق الوداد، ولكن رحب بالمفاوضات مع  الزمالك المصري، واستخدم المصريين كورقة ضغط على إدارة الفريق الأحمر، باش يجددو معاه العقد ديالو لي انتهى مع نهاية الموسم الماضي، وبالفعل نجحت الخطة ديال “بيبو” ووقع مع الوداد فالوقت لي كتشفوا المسؤولين ديالو الزمالك تقولبو وبلي كانوا غير طريق.

موضوعات أخرى

25/09/2022 20:30

رئيس وأعضاء البرلمان الإفريقي مشاو لميناء طنجة: حنا منبهرون بالبنيات التحتية العصرية والتكنولوجيا لي عرفها المغرب – تصاور