الرئيسية > آراء > بيان “الاتحاد” على “ضريبة على الثروة”. راني ماواكلش الشمع ولا النُّخالة آ بوعزة!!! گولو لينا فيمن عينيكم
03/06/2020 20:00 آراء

بيان “الاتحاد” على “ضريبة على الثروة”. راني ماواكلش الشمع ولا النُّخالة آ بوعزة!!! گولو لينا فيمن عينيكم

بيان “الاتحاد” على “ضريبة على الثروة”. راني ماواكلش الشمع ولا النُّخالة آ بوعزة!!! گولو لينا فيمن عينيكم

تدوينة للباحث عبد اللطيف اگنوش تنشرها “كود” باتفاق معاه/

الاتحاد الاشتراكي گال ليكم لابد من فرض “ضريبة على الثروة”…مزيان… غا هو عندي شي أسئلة ماشي بريئة ها هي:

– شكون هوما الناس للي عندهم الثروة جامدة وما كاتتحركش باش تاخذو ليهم الضريبة على هاذ الثروة؟؟! بغيت الاسماء الله يزازيكم بيخير وبلا كذوب او لف او دوران…حينت حتى حاجة في السياسة ماكاتجي بحسن نية…حسن النية ماكايناش في السياسة آآآبوعزة…بالعربية وتاعرابيت ، فيمن عينكم؟؟ شكون بغيتو تعرِّيوه؟؟! أو على الأقل، شكون للي بغيتو تقطّْرو عليه الشّْمع؟!! مايكونش الماليك زعما؟!!!

2- على حسب علمي، واخا المغرب يفرض ضريبة على الثروة، ما عند دينمها ما تعطي للدولة باستثناء “حزقة اللاروب ” ماتريش ليك حتى الدوا والگمح ما تجغدر، تاكل فيه السم نشاعلله، حينت اصحاب الثروات محسوبين على اطراف الصبعان ومنهم كثير بزاف للي مساندين الدولة في محنة الكوڤيد١٩… في حين كانعرف بزاف للي عاطينها غا القُرنابي، وتقطار الشمع و”الشانطاج” لا عل وعسى يجيب الله التيسير في شي حكومة ائتلاف وطني فين يخشيو يدِّيهم!!

3-وملي آبوعزة نفرضو الضريبة على الثروة، منين باغي تجيب الاستثمارات الداخلية للبلاد في وقت الانهيار الاقتصادي بعد أزمة الكورونا، وهو انهيار جاي، جاي، سواء بغات امك او ما بغاتش!!!

وعليه، الرجوع لله آبوعزة…راني ماكاناكلش النُّخَّالة، وكاندوي باسميتي وعلى كري، ماشي باسم المغاربة وبنون الجماعة بحال حنَّاك، حينت راجل مسؤول ماشي بحالك آآآآبوعزة!!

موضوعات أخرى

07/07/2020 21:30

دراسة على المغاربة فالحجر الصحي: 62 ماعجباتهمش القرايا من الدار و88 فالمية جاتهم الخدمة من الدار صعيبة و17 فالمية وقعو ليهم مشاكل عائلية

07/07/2020 20:20

تفاصيل مشروع قانون المالية المعدل اللّي صادقات عليه الحكومة: مواكبة الاستئناف التدريجي للنشاط الاقتصادي والحفاظ على مناصب الشغل وتسريع تنزيل الإصلاحات الإدارية