كود -وكالات//

فـ21 أبريل 2026، خرجات نتائج دراسة طبية جديدة كتعطي أمل كبير لناس اللي كيعانيو من الشخير وانقطاع النفس النومي لي هو مرض كيوقف فيه النفس بزاف ديال المرات فالليل بسبب غلق مجرى الهواء، هاد الحالة كتأثر على جودة النعاس وكتقدر تسبب مشاكل صحية خطيرة بحال أمراض القلب والعيا ديما.

الدراسة دارت على هاد الجهاز aura6000 لي كيتزرع تحت اللسان باش يحفز العصب بضو خفيف وسط النعاس، ويبقى مجرى الهواء محلول وما يتسدش، الجديد فهاد التقنية هو أنها كتستهدف العصب الرئيسي ديريكت، ماشي غير الفروع ديالو، وهاد الشي كيخلي العملية ساهلة ماهلة.

تجربة الجهاز دازت على أكثر من 100 مريض لمدة عام تقريباً، والنتائج كانت مزيانة بزاف، حيث 65% من المراض تحسّن عندهم الوضع بنسبة كبيرة، مني مبقاتش النفس كتقطع فيهم فالنعاس وحتى نسبة الأوكسجين فالدم تحسّنات.

الجهاز خدا الموافقة فـأمريكا فـ2026، وكيعطيوه خصوصاً للناس اللي ما كيتحملوش جهاز التنفس التقليدي (CPAP). الثمن ديال العملية مازال طالع شوية، ولكن كاين أمل فالمستقبل مع تطوير نسخ جديدة تكون رخيصة.