كود سبور//

قرر الدولي الفرنسي بول بوگبا لاعب يوفنتوس الطالياني يطعن فالحكم اللي صدر فحقو اليوم الخميس فالطاليان، بالتوقيف ديالو على اللعب 4 سنوات بسبب المنشطات.

ونفى بول بوگبا فسطوري على إنستغرام أنه خدا المنشطات فالكاريير ديالو، وأكد للأندية اللي لعب لها واللي لعب ضدها اللاعبين سوا اللي لعبو معه او ضدو والجماهير اللي شجعوه او شجعو الفرق اللي لعب ضدها أنه عمرو غشهم وخدا المنشطات.

وأكد أن الحكم اللي صدر عليه بالتوقيف 4 سنين غلط، وهذا الشي كيخليه يحس بالحزن والصدمة حيث گاع داكشي اللي بناه فالكاريير ديالو مشى له.

وكمل بوگبا وأكد أنه ومن بعد هذا الحكم، قرر يمشي للمحكمة الرياضية الدولية باش يطعن فيه.