خرج الدولي الصبليوني السابق كارلوس بويول النجم السابق فالبرصا على السكات ديالو من بعدما انتشرت شبوهات اليوم الأحد، على أن عندو علاقة مثلية مع الزميل ديالو السابق فمنتخب الصبليون إيكير كاسياس.

إيكير كاسياس نشر تغريدة الصباح فتويتر قال فيها أنه مثلي وطلب من الناس يحتارموه، من بعد منها مباشرة نشر بيول تغريدة قال فيها: “جا الوقت باش نعاودو للناس قصتنا يا إيكر”.

من بعد مرور تقريبا ساعتين ديال الوقت مسح كاسياس التغريدة اللي نشر، وبارطاجا وحدا جديدة قال فيها أن الكونت ديالو تبيراطا وبلي الأمور مزيانا واعتذر للجميع وحتى للمثليين.

بيول ومن بعد هادشي كامل مسح التغريدة ديالو الأولى اللي تفاعل فيها مع التغريدة الأولى اللي تنشرات على الحساب ديال كاسياس ونشر وحدة اخرى قال فيها: “راني غلطت، وكنعتذر على النكتة الباسلة وراه ماكنتش بنية خيبة، ولكن ماجاتش فوقتها، حيث ضرات بعض الناس فمشاعرهم واحتارمي للمثليين.