كود سبور//

توج ياسين بونو بلقب جديد مع الهلال السعودي، بعدما قاد الفريق لتحقيق الفوز على النصر فالفينال ديال كاس ملك السعودية وخداو اللقب.

وسالا الوقت الاصلي بين الهلال والنصر بالنتيجة التعادل الايجابي واحد لواحد، وتألق ياسين بونو فالحفاظ مرمى الهلال واخا النقص العددي حيث خرجو لهم 2 لاعبين بالحمرا مقابل طرد واحد ديال النصر، وقدر بونو يجر كريستيانو وصحابو لضربات الترجيح، اللي تألق فيها النجم المغربي وحبس جوج بيلانتيات للاعبي النصر، وبفضل الأداء ديالو قدرو الهلال يربحو بنتيحة 5-4.

وبهذا التتويج الجديدة، ربح ياسين بونو 3 لقب مع الهلال السعودي، بعدما ربح معه لقب بطولة السعودية وكاس السوبر السعودي ودابا كاس ملك السعودية.