كود سبور//

اعتبر النجم المغربي ياسين بونو الگول ديال الهلال السعودي، أن الماتش ديالهم ضد ريال مدريد الإسباني برسم الجولة 1 من كأس العالم للأندية، ما كانش ساهل وقدرو ياخدو منهم نقطة مهمة.

وقال ياسين بونو بعدما سالا الماتش بنتيجة 1-1، بين الهلال وريال مدريد: “الماتش ما كانش ساهل، الخصم كان قوي وعندهم لاعبين واعرين، ولكن حنا لعبنا ماتش تكتيكي كبير، وبينا للعالم شكون هو الهلال”.

وبخصوص البنالتي اللي حبس لفارفيردي، قال ياسين بونو: “درت داكشي اللي كان خاصني ندير، والفريق كامل دار ماتش مزيان وقدرنا نخرجو بنقطة ثمينة ضد خصم واعر”.