كود سبور//
كشفت تقارير اعلامية سعودية أن اختيار الدولي المغربي ياسين بونو يلبس الرقم 37 فالتوني مع الفريق ديالو الجديد الهلال السعودي، ما غير صدفة ولكن كاين سبب وراه.
وسائل الاعلام السعودية ركزت مزيان على التوني د أسطورة حراسة المرمى المغربية ياسين بونو، وعلاش اختار بالضبط الرقم 37 باش فالتوني، وأكدت أن هذا الاختيار عندو قيمة كبيرة بالنسبة له حيث كيرمز لعام 1937 التاريخ اللي تأسس فيه الوداد الرياضي الفريق الام ديالو.
وكيتعتبر ياسين بونو من ولاد الوداد الرياضي وبدا الكاريير ديالو فمدرسة الواك حتى وصل للسينيور، قبل ما يمشي يحترف فإسبانيا وراه الوداد غيستافدو بنسبة 5% فصفقة انتقال ولدو بونو من إشبيلية الاسباني إلى الهلال السعودي، وكتدخل ضمن قانون الفيفا كتعويض على تكاليف التكوين وهي تقريبا واحد 800 مليون سنتيم.