كود سبور//

أكد النجم المغربي ياسين بونو أن التوني ديال الأرجنتيني ليونيل ميسي هو أحسن توني، هذا وان البرغوث هو أقوى خصم لعب ضدو، وأن النجم البرتغالي كريستيانو رونالدو صاحبو وبلي عندو قصة طريفة مع ولدو.

وتحدث الدولي المغربي ياسين بونو المرشح للكورة الذهبية الإفريقية فحوار مع DavooXeneize على موقع “X”، وقال على ماتش كان لاعب فيه مع إشبيلية ضد البارصا: “كنا خاسرين بنتيجة 2 لزيرو وقرب الماتش يسالي، وجات ركنية ونقول خاصني نقول لميسي يعطيني التوني، ودويت معه قلت له الماتش العام الماضي قلت لك التوني وقلتي ليا حتى الماتش الجاي حيث هذا طلبوني عليه، وملي قرب يسالي الماتش عاودت قلت له تفكر التوني راني بغيتو، وملي سالا الماتش تبادلنا التونيات”.

وكمل ياسين بونو الحارس الحالي ديال الهلال السعوديخ: “ميسي هو أصعب لاعب لعبت ضدو فالكاريير ديالي كان كيبان على غفلة وكيماركي عليا، وكيشرفني أنه لعب ضدي وخا ما عرفت شحال يماركي عليا”.

أما بخصوص النجم البرتغالي كريستيانو رونالدو اللي كيلعب مع النصر السعودي دابا، قال بونو، وأكد أنه ضريف بزاف وأنه صديق ديالو، وأن ولد كريستيانو رونالدو قاليه فشي ماتش ماركا فيه باباه عليه 4 أيام ريال مدريد: “بابا ماركا عليك 4 البيوتا”. وأنه دابا كبر وقاله “بونو غنشوفو إمتى غيماركي عليك بابا تاني”.