كود الرباط//

رئيس الحكومة عزيز أخنوش، خط النقط على الحروف، وكشف سياق تكليف الملك لوزير الداخلية بموضوع الاعداد الجيد للانتخابات.

أخنوش رد على الأصوات للي روجات بلي عليه غضبة وتحيد عليه الملف، وقال بلي “فرحان متكونش عندي هاد المسؤولين. حيث المسؤول الاول والاخير على الانتخابات هي الداخلية”.

وشدد اخنوش بلي “وزير الداخلية عضو داخل الحكومة وكنشتغلو بجدية كبير”. مشيرا بلي “سيدنا كان واضح اتجه لوزارة الداخلية باش تكون عندها المسؤولية فالنقاش والحور مع الاحزاب باش توجد المنظومة”.

وذكر اخنوش بلي “عاش تجربة كرئيس حزب ف 2021، مع رئيس الحكومة سعد الدين العثماني، لي خدا المبادرة وبدا النقاش، ولكن تلك النقاشات مدات لوالو وكولشي كيجي وكيعطي رأي مخالف. خاص شويا ديال الحياد”.

اخنوش اعتبر بلي تكليف الداخلية شيء جيد، مؤكدا بلي “هادي دولة وخصنا نحافظو على التعددية وكنقول بلي هاد التجربة خاصها تبقا فالمستقبل”.