وكالات//

تعرض واحد الراجل عندو 45 عام للحرق فميدان تايمز سكوير ف نيويورك، نهار الاحد لي فات، هاد الحادث جاء بعد 3 شهور من مقتل مراة فحريق متعمد فالمترو.

حسب البوليس، الراجل شعلات فيه العافية حوالي الساعة 4 ديال الصباح، وهزوه للسبيطار بعدما طفاوها، وكان في حالة مستقرة. في الفيديوهات لي تصورو من مكان الحادث، كيبان الراجل عاري الصدر ومصاب بحروق كبيرة، وهو كيتم نقله فسيارة الإسعاف.

https://x.com/ScMesab/status/1901314596616429952

البوليس قالو بللي المشتبه فيه هرب من بلاصة الحادث، ومازالين كيبحثو عليه. ومازال ما تحدد واش الهجوم كان عشوائي أو مستهدف.

التحقيقات بينات أن المعتدي صب مادة قابلة للاشتعال من قنينة تكيلا “باترون” على الضحية وشعل فيه النار. الراجل جرى مسافة 100 قدم قبل ما يطفيه واحد الشخص من السيارة بمطفأة الحريق.