كود -وكالات//

عرف تايمز سكوير فـمانهاتن بنيويورك، حادث خطير من بعد ما طعنات مرا من أصول لاتينية، راجل ومرا بموس، قبل ما يضربوها البوليس بالقرطاس.

المرا، ولي ضرباتهم تنقلو كاملين للسبيطار، وحسب المعطيات اللي نشرتها وسائل إعلام أمريكية، كانت الإصابات ديالهم خطيرة وكتشكل خطر على حياتهم.

https://x.com/siyahsancakx/status/2094675381471044054

مصادر إعلامية قالت بلي المرا كانت باينة عليها حالة اضطراب ولكن البوليس تيراو فيها بعدما هدداتهم ومبغاتش تحط الموس.

المعطيات الجديدة كتأكد أن المرا اللي هجم عليها البوليس ماتت بالقرطاس، أما السيدة لي تعدات عليها بالموس حتى هي ماتت فالسبيطار، وبالنسبة، للسيد لي عندو 68 عام فلت.

وبالنسبة لهوية المشتبه فيها، البوليس قال بلي باميلا سيسنيروس، عندها 49 عام ومن سكان كوينز، وعندها سوابق موثقة مع بوليس نيويورك مرتبطة بالصحة النفسية فـ201الب8 و2019، ولكن ما عندهاش سجل اعتقالات.